Новости чувашской культуры

[• eezjum]

Ывăла сăпка юррисем юрласа çывăрттарасшан, анчах пĕрне те пĕлметсĕп.

[• Елена К.]

Эпĕ те хавас пулатăп, енчен те юрă текстне кунта кăтартсан, ман та хĕр пĕрчипе ывăл ÿсеççĕ.

[• ned]

хăвăр шутласа кăларсан кăна, эп хам çавăн пек тăваттăмччĕ

[Aalman]

Сăпка юрри
Петĕр Хусанкай | Сăвă | 1948
Сĕм вăрманĕ каш та каш,
Сулхăн çилĕ ваш та ваш,
Эс ан çуйăх, ан çухраш,
Çывăр, пĕчĕкçĕ чăваш!
Урупа ан тапкалаш,
Аллупа ан çапкалаш,
Аннӳпе эс ан тавлаш,
Çывăр, Аптраман тавраш!
Ашă çумăр чаш та чаш,
Ӳс, калчам, çĕклен эс яш,
Çӳлерен çӳле кармаш.
Çывăр, пĕчĕкçĕ чăваш!
Юлташпа эс пул юлташ,
Усалпа эс ан паллаш.
Тăшманпа ан пул йăваш,
Çывăр, Аптраман тавраш!
Вырăспа та тăванлаш,
Тутарпа та эс туслаш,
Пурте — пирĕн хурăнташ,
Çывăр, пĕчĕкçĕ чăваш!
Малалла утсан — малаш,
Каялла юлсан - каяш,
Чăн çултан эс ан аташ.
Çывăр, Аптраман тавраш!

[• ned]

http://www.chuvash.org/lib/haylav/1.html
Сăпка юрри

ээх, унччен пелмен çав эп çак юрăсене, атту пулсан мĕнле хитре юрласа çывăрттарма пулатчĕ
тепĕр тесен хам та сăвăлакалаттăмччĕ, анчах кун пек хитрех марччĕ çав сăввисем

[• eezjum]

Aalman, тавтапуç сире!!!
пепкене халь чăваш юррисемпе çывăрттара пуçлап

Сообщение отредактировал eezjum - Jun 20 2010, 11:11

[Aalman]

Сăпка юррисен кĕнеке пуххине те курнăччĕ пĕр 15-20 çул каялла. Хамăн ачасене юрласа кăтарнă.

Сообщение отредактировал Aalman - Jun 21 2010, 20:42